EKSLUZlVE!! “Më tha vetëm një gjë”, Banori i ri rrëfen këshillën e Gjestit para hyrjes në BBV

Mbrëmjen e djeshme, shtëpisë së “Big Brother VIP Albania” iu bashkua një tjetër personazh i njohur për publikun, Dj.Gimbo, me emrin e vërtetë Gëzim Blakaj. Hyrja e tij erdhi në një moment mjaft delikat të lojës, kur banorët kanë krijuar tashmë raportet, aleancat dhe dinamikat e tyre, duke e bërë sfidën edhe më të vështirë për çdo hyrje të re.

Pavarësisht kësaj, Gimbo u shfaq i qetë dhe i vendosur, duke treguar se është i përgatitur për këtë eksperiencë. Si mik i afërt dhe Dj i Gjestit, ai ndau edhe një detaj interesant nga bisedat e tyre para hyrjes në shtëpinë më të famshme në Shqipëri. Moderatori Ledion Liço e pyeti drejtpërdrejt se çfarë këshille kishte marrë nga Gjesti përpara se të hynte në “Big Brother VIP Albania”.

Përgjigjja e Dj.Gimbos ishte e shkurtër, por domethënëse: “Shko dhe fito!”. Kjo frazë u prit me buzëqeshje dhe reagime pozitive, duke treguar mbështetjen dhe besimin që Gjesti ka ndaj tij. Këshilla tingëllon si një motivim i fortë për Gimbën, i cili tashmë duhet të përballet me një lojë të avancuar dhe me banorë që njohin mirë terrenin.

Hyrja e Dj.Gimbos pritet të sjellë energji të reja brenda shtëpisë, si për shkak të karakterit të tij, ashtu edhe për lidhjet që ai ka jashtë me figura të njohura. Mbetet për t’u parë se si do të integrohet në lojë, nëse do të krijojë aleanca të reja apo do të përfshihet në dinamika që tashmë janë në zhvillim, por një gjë është e sigurt: Gimbo hyn me një objektiv të qartë – fitoren.